سەرۆکێ زانکۆیا نەورۆز سەرەدانا دەزگەهێ روانگە دکەت

سەرۆکێ زانکۆیا نەورۆز سەرەدانا دەزگەهێ روانگە دکەت

د چارچووڤێ موکمکرنا پەیوەندیان دگەل دەزگەهێن رەوشەنبیری و ئەکادیمی دا، سەرۆکێ زانکۆیا نەورۆز، د. مێڤان عارف عەبدولرەحمان، دگەل هاریکارێ سەرۆکێ زانکۆیێ بۆ کاروبارێن زانستی، پ. د. موئەیەد ئاغالی میرزا، و هاریکارێ کارگێری و دارایی و قوتابیان، پ. د. هۆگر تاهر تەوفیق، سەرەدانا دەزگەهێ روانگە کر بۆ پێشکێشکرنا پیرۆزباهیان بۆ رێڤەبەرێ وێ یێ گشتی یێ نوی، بەرێز حەسەن شێخ عەلائەدین، ب هەلکەفتا وەرگرتنا پۆستێ خۆ.

سەرەدان ل رۆژا دوشەمبێ، رێکەفتی ١٧ێ شوباتا ٢٠٢٥ێ هاتە ئەنجامدان، کو هەردو لایەنان گەنگەشەیا رێکێن موکمکرنا هەڤکاریێ د ناڤبەرا زانکۆیا نەورۆز و دەزگەهێ روانگە دا کر، ب ئاوایەکی کو ببیتە هاریکار بۆ پشتەڤانیکرنا پرۆژەیێن رەوشەنبیری و ئەکادیمی یێن هەڤپشک.

ل دویماهیا سەرەدانێ، سەرۆکێ زانکۆیێ هیڤیێن خۆ یێن سەرکەفتنێ بۆ بەرێز حەسەن شێخ عەلائەدین د ئەرکێن وی یێن نوی دا دەربرین، و تەئکید ل سەر گرنگیدانا زانکۆیێ ب بەردەوامیا پەیوەندیێن کاریگەر دگەل دەزگەهێن پێشەنگ د هەمی واران دا کر.