مەرەم و ئارمانج

- پێگه‌هاندنا بازارێن ناڤخۆى و جیهانى ب كه‌سێن خودان شیان و پسپۆر و شاره‌زا یێن كو شیانێن سه‌ركرده‌ييێ د وارێن جودا یێن ژیانێدا هەین

- پاراستنا پێگه‌هێ زانكۆیێ یێ پێشه‌نگ وه‌كو گۆپیتکا زانستى و ره‌وشه‌نبیرى بۆ ده‌وروبه‌رێن خۆ یێن ناڤخۆى و هه‌رێمى

- چێکرنا په‌یوه‌ندیێن زانستى و ره‌وشه‌نبیرى ل گه‌ل زانكۆیێن دى و داموده‌زگه‌هێن زانستى یێن ناڤخۆيى و بیانى، زێده‌بارى دروستكرنا په‌یوه‌ندیێن ره‌وشه‌نبیرى ل گه‌ل هه‌مى داموده‌زگه‌هێن ل گه‌ل زانكۆیا مه‌ د ئارمانج و دیتنێدا هه‌ڤپشك

- هه‌ماهه‌نگى ل گه‌ل داموده‌زگه‌هێن حكومى و نه‌حكومى د دانانا پلانێن وه‌رار و پێشڤه‌چوونێدا

- درێژەپێدانا سه‌نته‌رێن راوێژكارى و راهێنانى د ناڤ زانكویێدا و زێده‌كرنا كاریگه‌ریا وێ ل گه‌ل هه‌وجه‌يێن بازارى و جڤاكى

- راهێنان و گه‌شه‌كرنا به‌رده‌وام یا كادرێ زانستى و كارگێرى و هونه‌رى يێن ل زانكۆیێ كاردكه‌ن ب رێیا پشکداریکرنا وان د خۆلێن پێشئێخستنێ یێن ناڤخۆيى و جیهانیدا و ڤه‌كرنا رێكێ ل به‌رانبه‌رى وان بۆ ده‌رئێخستنا داهێنان و شیانان

- دابینكرنا ژینگه‌هه‌كا كارى یا گونجاى بۆ كارمه‌ندان و ژینگه‌هه‌كا زانستى یا گونجاى بۆ قوتابيان

- پشبه‌ستن ب پیڤه‌رێن كارى یێن جیهانى و ئاڤاكرنا هزرێن هاریكار بۆ زانكویێ د پێشكێشكرنا خزمه‌تێن باشتر بۆ جڤاكیدا

- به‌لاڤكرنا ره‌وشه‌نبیریا لێبوورینێ د ناڤبه‌را ته‌خێن جڤاكیدا و ره‌وشتێن كارێ پیشه‌يى د ناڤبه‌را كه‌سێن د پشکێن جودادا کار دکەن.