بەکالوریۆس ب
پشکا دەرووناسی
پشکا دەروونناسیێ ل کۆلیژا زمانان ل زانکۆیا نەورۆز ئێک ژ وان پشکێن گرنگە کو ئارمانجا وێ ڤەکۆلین ل رەفتارێن مرۆڤی و تێگەهشتنە ژ پرۆسێن دەروونی. پشک پرۆگرامێن ئەکادیمی یێن گشتگیر پێشکێش دکەت کو وارێن جودا یێن دەروونناسیێ ڤەدگریت، ئەڤە ژی هاریکاریا قوتابی دکەت بۆ بدەستڤەئینانا زانیاریێن تیۆری و شەهرەزایێن پراکتیکی یێن پێدڤی بۆ تێگەهشتنا دیاردێن دەروونی و شرۆڤەکرنا زانستی.
پەیام
ئارمانجا پشکێ پێشکێشکرنا خواندنەکا کوالیتی بلندە د وارێ دەروونناسیێ دا، دگەل جەختکرنێ ل سەر پێشڤەبرنا ڤەکۆلین و شەهرەزایێن پراکتیکی یێن قوتابیان. بزاڤێ دکەت پسپۆرێن دەروونناسیێ ئامادە بکەت کو شیانا تێگەهشتنێ ژ رەفتارێ مرۆڤی و دابینکرنا چارەسەریێن زانستی بۆ ئاستەنگێن دەروونی و جڤاکی هەبیت، د هەمان دەم دا پابەندبن ب ئەخلاقێ پیشەیی.
دیتن
پشکا دەروونناسیێ بزاڤێ دکەت ببیتە ناڤەندەکێ ئەکادیمی یا پێشەنگ د پەروەردا دەروونناسی و ڤەکۆلینا زانستی دا، بەشداریێ د پێشڤەبرنا زانیاریێن دەروونی و بلندکرنا ساخلەمیا دەروونی یا جڤاکی دا بکەت. ئارمانجا پشکێ ئامادەکرنا دەرچوویێن شایستەیە کو بشێن دەروونناسیێ د وارێن جۆراوجۆر دا دابمەزرینن بۆ خزمەتکرنا تاک و جڤاکی.
پرۆگرامێ خواندنێ
پشکا دەروونناسیێ پرۆگرامێ بەکالۆریۆسێ پێشکێش دکەت کو کۆمەکا بابەتێن سەرەکی وەکی دەروونناسیا گشتی، دەروونناسیا جڤاکی، دەروونناسیا پەروەردەیی، و دەروونناسیا کلینیکی بخۆڤەدگریت. بەرنامێ وێ روناهیێ دئێخیتە سەر تێکەلکرنا خواندنا تیۆری و بکارئینانا پراکتیکی ب رێکا راهێنانێن مەیدانی و ڤەکۆلینێن زانستی.
پێکهاتە
کریدت
دەمژمێرێن پراکتیکی
0
دەمژمێرێن تیۆری
0
دەمژمێرێن کۆرسی
0
ژیانا قوتابی
پشک پشتەڤانیێ ل ژیانا چالاک یا قوتابی دکەت ب رێکخستنا وورکشۆپ و سیمینار و کۆنفرانسێن تایبەت ب پرسێن دەروونی یێن هەڤچەرخ ڤە. هەروەسا رێ ددەتە قوتابیان بەشداریێ د ڤەکۆلینێن مەیدانی و پرۆژێن پراکتیکی دا بکەن کو بەشدارن د پێشڤەبرنا شیانێن پراکتیکی یێن وان و بلندکرنا تێگەهشتنا وان ژ دیاردێن دەروونی.
دەرفەتت کاران
دەرچوویێن پشکا دەروونناسیێ د وارێن پەروەردە و راوێژکاریا دەروونی و کارێ جڤاکی و ساخلەمیا دەروونی دا دەرفەتێن کاری یێن بەرفرەهـ هەنە. دشێن ل نەخوەشخانە، قوتابخانە، رێکخراوێن نەحکوومی و ناڤەندێن راوێژکاریا دەروونی کار بکەن، ئەڤە ژی رێ ددەتە وان کو ب شێوەیەکێ کاریگەر بەشداریێ د باشترکرنا کوالیتیا ژیانێ دا بکەن ل ناڤ جڤاکی.