هوگر طاهر توفيق
هاریکارێ سەرۆکی بۆ کارۆبارێن دارای و کارگێری
بەکالوریۆس ب
پشکا كوردناسی
پشکا کوردناسیێ ل کۆلیژا زمانان ل زانکۆیا نەورۆز پشکەکا ئەکادیمییە کو ئارمانجا وێ تێگەهشتنەکا هەمەلایەن و کویرە د مێژوو، کەلتوور، زمان، جوگرافیا و سیاسەتا کوردان دا. پشک تیشکێ دئێخیتە سەر خواندن و شرۆڤەکرنا کەلتوور و میراتێ کوردان ب رێیا بەرنامێن پێشکەفتی یێن ئەکادیمی ڤە کو لایەنێن تیۆری و ڤەکۆلینێن زانستی تێکەل دکەن، ئەڤە ژی تێگەهشتنا جڤاکا کوردی و مێژوویا وێ و رۆلێ وێ د دەڤەرێ دا بلندتر دکەت.
پەیام
پشک بزاڤێ دکەت خواندنەکا کوالیتی بلند و پرۆگرامێن ڤەکۆلینێ یێن تایبەتمەند د وارێ کوردناسیێ دا، مینا زمان، ئەدەب، مێژوو، جوگرافی، و سیاسەتێ پێشکێش بکەت. ئارمانجا وێ ئامادەکرنا وان دەرچوویانە یێن کو شیانا بەشداریکرنا وان د پێشڤەبرنا جڤاکا کوردی دا هەیە ب رێیا ڤەکۆلینێن ئەکادیمی و شرۆڤەکرنا رەخنەیی، ب گرنگیدان ب بەلگەنامەکرنا میراتێ کەلتووری و سیاسی یێ نەتەوا کورد.
دیتن
پشکا کوردناسیێ بزاڤێ دکەت ببیتە ناڤەندەکا ئەکادیمی یا نایاب د دیراسەتکرنا پرسێن کوردان دا ل سەر ئاستێ ناڤخۆیی و ناڤدەولەتی. ئەڤ پشکە بزاڤێ دکەت بەرنامێن ڤەکۆلین و خواندنێ یێن داهێنەر پێشکێش بکەت کو هاریکار بن بۆ بهێزکرنا ناسناما کەلتووری یا کوردی و گرێدانا وێ ب چارچۆ ڤێن ناڤدەولەتی ڤە.
پرۆگرامێ خواندنێ
پشکا کوردناسیێ پرۆگرامێ بەکالۆریۆسێ پێشکێش دکەت کو بابەتێن سەرەکی وەکی زمانێ کوردی، ئەدەبێ کوردی، مێژوو و جوگرافیا کوردی، و رەوشا کوردی ب گشتی بخۆڤەدگریت، تێدا روناهیێ دئێخیتە سەر وەرگرتنا تێگەهشتنەکا کویرتر ل سەر کوردان. پەیرەوێ وێ خواندنا تیۆری و بکارئینانا پراکتیکی تێکەل دکەت کو بۆ قوتابیان ببنە رێخۆشکەر بۆ ڤەکۆلینێن زانستی.
پێکهاتە
کریدت
دەمژمێرێن پراکتیکی
0
دەمژمێرێن تیۆری
0
دەمژمێرێن کۆرسی
0
ژیانا قوتابی
پشکا کوردناسیێ هانا قوتابیان ددەت بۆ بەشداریکرن د چالاکیێن ئەکادیمی و رەوشەنبیری یێن جۆراوجۆر دا، وەک سیمینار و کۆنفرانس و وورکشۆپ کو تیشکێ دئێخنە سەر پرسێن کوردان. هەروەسا پشک دەرفەتان بۆ قوتابیان دئافرینیت دا کو سەرقالی پرۆژێن ڤەکۆلینێ بن کو رێکێ ددەنە وان دگەل جڤاکا ئەکادیمی کارلێک بکەن و بەشداریێ د شرۆڤەکرنا پرسێن کوردی دا بکەن.
دەرفەتت کاران
دەرچوویێن پشکا کوردناسیێ ژ دە رفەتێن کاری یێن بەرفرەهـ سوودمەندن کو پێکهاتینە ژ خواندن، ڤەکۆلینێن ئەکادیمی، میدیا، و رێکخراوێن ناڤدەولەتی یێن کو پەیوەندی ب پرسێن کوردی ڤە هەین. هەروەسا دشێن د وارێن رەوشەنبیری دا وەک وەرگێران و وەشان و بەلاڤکرنێ کار بکەن، ئەڤە ژی رێکێ ددەتە وان کو ل سەر ئاستێ ناڤخۆیی و ناڤدەولەتی بەشداریێ د بهێزکرنا ناسناما کەلتووری یا کوردی دا بکەن.
