بەکالوریۆس ب
پشکا زانستێن سیاسی
پشکا زانستێن سیاسی ل کۆلیژا یاسا و زانستێن سیاسی ل زانکۆیا نەورۆز ئێک ژ وان پشکێن ئەکادیمی یە کو ئارمانجا وێ ڤەکۆلین و شرۆڤەکرنا دیاردێن سیاسی و پرسێن ناڤدەولەتی یە. پشک گرنگیێ ددەتە پێشکێشکرنا پەروەردەیەکا ئەکادیمی یا گشتگیر کو تیۆر و پراکتیکێ تێکەل دکەت، ئەڤە ژی وە دکەت قوتابی د دینامیکا سیاسەتا ناڤخۆیی و دەڤەرکی و ناڤدەولەتی بگەهن.
پەیام
پشک بزاڤێ دکەت پرۆگرامێن ئەکادیمی یێن پێشکەفتی د زانستێن سیاسی دا پێشکێش بکەت کو تێدا روناهیێ دخیتە سەر ڤەکۆلینێ د سیستەما سیاسی و پەیوەندیێن ناڤدەولەتی و سیاسەتێن گشتی دا. ئارمانجا دەرچوونا قوتابیان شیانێن شرۆڤەکرنەکا رەخنەگرانە هەبن و ئەنجامدانا ڤەکۆلینێن زانستی و بەشداریکرن د چارەسەرکرنا کێشەیێن سیاسی و جڤاکی دا ب رێکا ئامرازێن زانستی و میتۆدێن پێشکەفتی.
دیتن
پشکا زانستێن سیاسی بزاڤێ دکەت ببیتە ناڤەندەکێ دیار د خواندنا زانستێن سیاسی و ڤەکۆلینا زانستی دا، بەشداریێ بکەت د ئامادەکرنا دەرچوویان دا کو ببنە خودان زانین و شیانێن پێدڤی هەبن بۆ شرۆڤەکرنا سیاسەتێن گشتی و بەشداریا کاریگەر د پێشڤەبرنا حوکمرانیا باش دا و ئاڤاکرنا جڤاکەکێ بەردەوام.
پرۆگرامێ خواندنێ
پشکا زانستێن سیاسی پرۆگرامێ بەکالۆریۆسێ پێشکێش دکەت کو کۆمەکا بابەتێن وەکی سیستەمێن سیاسی، هزرا سیاسی، پەیوەندیێن ناڤدەولەتی، و سیاسەتا بەراوردکاری بخۆڤەدگریت. پرۆگرام خواندنا تیۆری و مەیدانی تێکەل دکەت، ل گەل جەختکرنێ ل سەر راهێنانا قوتابیان بۆ شرۆڤەکرنا کێشەیێن سیاسی و پەرەپێدانا چارەسەرێن بەردەوام.
پێکهاتە
کریدت
دەمژمێرێن پراکتیکی
0
دەمژمێرێن تیۆری
0
دەمژمێرێن کۆرسی
0
ژیانا قوتابی
پشکا زانستێن سیاسی ب سازدانا سیمینار و کۆنفرانس و وورکشۆپان کو بەحسێ پرسێن سیاسی یێن هەڤچەرخ دکەن، پشتەڤانیا ژیانەکا چالاک یا قوتابی دکەت. هەروەسا ئەڤ پشکە دەرفەتێ بۆ قوتابیان درەخسینیت بۆ بەشداریکرنێ د چالاکیێن مۆدێلا نەتەوەیێن ئێکگرتی و پرۆگرامێن ئالوگۆرا ئەکادیمی دا، کو شیانێن ڤەکۆلین و پەیوەندیکرنا وان بلند دکەت.
دەرفەتت کاران
دەرچوویێن پشکا زانستێن سیاسی دشێن د وارێن جۆراوجۆر دا کار بکەن، ژ وان کارکرن د بیاڤێ دیپلۆماسی، ناڤەندێن ڤەکۆلینێ، رێکخراوێن ناڤدەولەتی، لایەنێن سیاسی، و میدیا سیاسی. هەروەسا دشێن د سازیێن حکوومی و تایبەت دا کار بکەن، کو پێدڤی ب شیانێن شرۆڤەکرنێ هەیە د سیاسەتا گشتی و پەیوەندیێن ناڤدەولەتی دا.